قصيده في شمرعزوتي
بديـت بـأسـم الله والله اكـبـر
الواحد اللي بيـده الملـك جبـار
الواحـد المعبـود عـلام للسـر
هو اللذي يعلم خفيـات الاسـرار
مابعد ذكره عن شعـوري اعبـر
كتبت من اقصا ضميري هالشعار
ياراكب اللـي لا مشـا ماتعثـر
جمس جديد وللمسافـات بيطـار
للشمـري عـده علـي لا تأخـر
بالباخره عبره مسافـات وابحـار
يلفي على منهو له اليـوم ينطـر
ينطر وصول الجمس كنه على نار
له هيبتـه يـوم المتحديـن تفتـر
شفت الزعل بعيونه وشبة انـوار
هو الوحيد اللـي للوعـار يعبـر
وليا زهمته شب من تحتـه النـار
ابشر بغاليك لـو القـاع تخطـر
من مصدره امصممينـه للخطـار
سواقها مـن لابتـي ولـد شمـر
نسل الطنايا قايتي نسـل الخيـار
من عادته دايـم للخطـار يعبـر
ولا همته من دنيته اصغارواكبـار
الروح يرخصها اذا قـال تبشـر
يمشي على درب المنايا والخطار
لا قيله دونك ترى الجـو ممطـر
يمشي ولا همه الزلق او المطـار
باله مهـو يـم الينـادي ويهثـر
باله يم اللي كتـب لـه هلشعـار
يومن وصللـي قلتلـه لا تأخـر
اوصل سلام الصايحي يم الاخيار
يوصل سلامي الابتي كـل شمـر
سلام عام يعمها اكبـار وصغـار
سلام صادق كنه سحابه وتمطـر
سلام يوصـل الطنايـا الاحـرار
سـلام ود و ود مـن شاعرآحـر
سـلام ود و ود لناسـن اخيـار
بالك تمثنا اصغـر اعيـال شمـر
لان اصغرهم كبر جبـل سنجـار
تاريخهم بالجود والطيـب يذكـر
تاريخ واضح مثل شمس" النهـار
للعـز سيـف وللمعاديـن نبتـر
سيف" شطيـر وللمعاديـن بتـار
حنا اللـذي أفعالنـا مثـل القمـر
افعالنـا تعلـم بهـا كـل الديـار
اقلوب بيض وعلى الردي ماننقهر
لان الردي مهما تعب حيل ينهـار
لان شمر نـار مواريثـه جمـر
والجمر على ردي النفـس حـار
من دور نجد افعالنـا دوم تذكـر
وحنا اللذي نحمي مراقيب سنجار
وجبـال حايـل بالطنايـا تفاخـر
له الفخر بالشمري مثـل سنجـار
والله يحفظ لباست الشمق الحمـر
وسجل لنا التاريخ كلمـه للذكـار
والكل يدري جبل سنجـار شمـر
يومن بعض الناس تنهـار تنهـار
عجزت والله عن شعوري اعبـر
ومهما كتبت اشعار واشعارواشعار
ان قلت كل الشعـر والله مقصـر
مايوفي كل الشعر في ناس" اخيار
اقول انا وفي قولي لـي الفخـر
لان شمر عزوتي كان الزمن جار
وسلااااااااااااااااامتكم